古淖文孖肥媽澳門除夕倒數獻唱 展望新一年推新歌兼開騷

2024年可以話係 古淖文 豐收嘅一年，參加《中年好聲音2》令佢嘅演藝路重新出發，贏取冠軍之後更令佢緊接有唔同發展，人氣急升嘅German去年衣錦還鄉，喺澳門舉行兩場演唱會。而啱啱嘅除夕夜，佢再同林子祥、葉蒨文以及多位澳門歌手仲有樂隊，參與澳門除夕倒數演唱會演出，German仲同肥媽一齊勁歌熱舞帶動全場氣氛。

German除夕夜再返澳門，同一眾嘉賓參與倒數演出
German喺社交平台發文寫道：「感謝2024年的照顧與眷顧。這一年是German豐收的一年，不僅贏得了《中年好聲音2》的冠軍，還在澳門舉辦了兩場精彩的演唱會。」來年展望，German將推出新歌同開騷，相信唔少古粉都期待佢嚟梗嘅香港演唱會演出。

同相識多年嘅肥媽同台合唱，默契十足