古淖文澳門迎2025年來臨 MC誓願操腹肌RB將發新專輯

啱啱踏入2025年，而除夕周圍都有唔同倒數活動，其中 古淖文 就同 肥媽 喺澳門主場演出，仲高興到一齊起舞。而German回顧舊年先喺《中聲2》贏得冠軍，之後又喺老家澳門開騷，發展非常好，而好快佢仲會出新歌同喺香港開騷。

German喺澳門同大家一齊迎接新一年
同樣喺澳門同大家迎接新年嘅，仲有 MC張天賦 ，佢喺另一場地為5千歌迷演出再一齊倒數，MC仲話新年願望係擁有一身強勁腹肌，本來話至少要有6舊，但係全場起哄之後就似乎將佢嚇窒，話希望練到4舊之餘，仲一定要騷一次俾大家睇呀。雖然今日未有腹肌睇，但係就有佢嘅新歌聽，呢日佢就為歌迷獻唱早前於網上意外流出嘅全新主打歌喇。
MC指今年一定要操練到一身腹肌

而 RubberBand 就參與香港一個商場嘅倒數活動，歌迷市民逼爆幾層商場，同佢哋一齊迎接2025年，氣氛一樣好。早前去到日本為新歌錄音嘅佢哋，就指希望新年盡快推出新專輯同大家見面喇。

RB話最新作品希望農曆年後推出