Yumi應邀《聲生不息》獻唱集郵變Fans 李施嬅同台合唱展優美歌聲

《聲生不息．大灣區季》繼早前 林智樂 擔任嘉賓演出大獲好評之後，另一位《聲夢》成員 鍾柔美 於今晚一集亦會現身節目，同 李施嬅 鍾楚曦 麥嘉欣 合唱 《共同渡過》，Yumi同幾位前輩齊齊以全白色優雅裝扮出場，剛滿18歲嘅Yumi更露肩又露腰，加上微曲駛型展示佢嘅初熟嘅女人味。

一眾女唱將錄影時把握機會合照

Yumi早前演出《聲生不息》今晚就會播出
Yumi仲指有份參與節目可以話係最難忘嘅生日禮物，佢於社交平台出Post寫道：多多指教 終於有機會來到呢個節目呢好慶幸可以同三位前輩們 李施嬅 鍾楚曦 麥嘉欣 合唱 《共同渡過》謝謝聲生不息🙏🏻🙌🏻我會繼續努力的💪🏻🩷

Yumi仲把握機會，與同場嘅偶像容祖兒合照，而照睇佢就比起Felix上次見到Joey失晒魂淡定唔少喇。至於同樣應邀擔任嘉賓嘅李施嬅，一樣指呢次演出係奇妙嘅經驗，仲話好榮幸同一眾頂尖歌手同台合作演出咁話。
又把握機會同偶像Joey合照

近來多方面發展嘅李施嬅亦擔任呢集嘉賓

《聲生不息．大灣區季》星期六晚 20:00 翡翠台