向佐行復古風被封內地新一代梗王 周筆暢首唱廣東話新歌聽出耳油

北京舉行一個娛樂盛典表揚過去一年嘅電影、電視劇、綜藝、音樂、明星五大領域有傑出表現嘅藝人，出席有李沁、周深、周筆暢及尚雯婕等，向佐最近以多次女裝打扮出席各大盛典而成為網紅，成為網民熱話，呢日佢著男裝打扮自封行復古風。

近來打扮成為熱話嘅向佐呢日以復古打扮現身
向佐呢晚獲年度突破藝人，對於被封新一代梗王，佢坦言未有刻意無厘頭，自己只係隨心而為；周深獲頒年度歌手及音樂榜最佳表現歌手，佢感謝歌迷耐心等待，等咗7年終於有新專輯面世；林一早前喺《玫瑰的故事》飾演劉亦菲最後一段情嘅男主角何西，佢獲得年度影響電視劇男演員獎，一圓與「神仙姐姐」合作嘅夢想，佢都話成就解鎖。

周深終於再推出新專輯
林一因為《玫瑰的故事》獲男演員獎

周筆暢獲頒年度影響力歌手，首唱廣東話新歌《毛毛雨cheers》，而內地新晉歌手黃子弘凡最近參與《聲生不息•大灣區季》，話自己廣東話進步神速。

周筆暢呢日獻唱廣東話新歌