聲生不息‧大灣區季｜鍾柔美仙氣登場展實力唱功 遇容祖兒變小粉絲興奮合照

音樂節目《聲生不息‧大灣區季》每集都會邀請不同飛行嘉賓，分別加盟到陳小春、容祖兒（Joey）各自領軍隊伍助力演唱，而《聲夢傳奇》出身嘅實力唱將Yumi鍾柔美近日亦前往內地為節目進行錄影。

鍾柔美最近為《聲生不息‧大灣區季》擔任飛行嘉賓。鍾柔美最近為《聲生不息．港樂季2》擔任飛行嘉賓。
Yumi喺社交平台開心分享多張靚相，撰文表示：「最難忘嘅生日禮物。《聲生不息‧大灣區季》多多指教！終於有機會來到呢個節目呢。好慶幸可以同三位前輩們 李施嬅 鍾楚曦 麥嘉欣合唱 《共同渡過》，謝謝聲生不息，我會繼續努力的。」由相中可見，Yumi以一身白色貼身禮服登上，腰間更以透紗貼身設計展露美好身段，又半騷長腿，仙氣得嚟亦有一種「大個女」嘅成熟感覺。
可以同偶像容祖兒合照，Yumi相當開心！ 
呢次登上《聲生不息》舞台除咗令Yumi有一個走到更大型舞台表演機會外，令佢感到最難忘同興奮嘅就一定係同偶像Joey合照！Yumi喺Po文寫：「呀‼️‼️‼️‼️ 好開心可以同偶像影相」而合照就由Joey揸機，Yumi同Joey頭貼頭，淨係睇相都感受到Yumi追星成功嘅喜悅！