Yumi病癒分享買彩券證已成年 鄭俊弘舉行赴母陪子治療大有進步

鍾柔美 同 鄭俊弘 除夕呢日為一個活動獻唱，同大家迎接2025年，加上大王 安德尊 搞笑主持令氣氛更熱絡。剛病癒嘅Yumi呢日繼續為現場觀眾同歌迷跳唱大熱歌曲，佢仲話因為啱啱先病好，所以之前都要狂瞓爭取休息同減少講話養聲呀。

Yumi病好就出席連串活動
年輕人就梗係希望約齊老友齊齊倒數玩返晚，而Yumi亦都話《聲夢》成班戰友約定齊齊度過。而已經踏入18歲正式成人嘅Yumi，就已經做「大人做嘅事」去買彩券，企足多年門口等家人嘅佢，終於可以大搖大擺行入投注處喇。
剛滿18歲嘅佢，早前仲一圓心願入投注處買六合彩

呢晚Fred亦有為大家表演，早前同太太帶囝囝到美國接受天使綜合症治療嘅佢，呢日就指此行Asher大有進步，返港後會繼續幫囝囝保持訓練，仲話幾星期嘅分別非常明顯，識用叉進食之餘又會爬，聽佢講都非常高興呀。

Fred同太太早前帶囝囝Asher赴美，仲話治療大有進步