聲生不息·大灣區季丨鍾柔美初踏大型舞台喜遇偶像 感激林智樂事前分享注意事項

《聲生不息·大灣區季》喺1月4號晚播出嘅一集，主題係「慶祝澳門回歸祖國25周年」，仲搵嚟新生代歌手鍾柔美作客節目，Yumi可以聯同李施嬅、內地花旦鍾楚曦、澳門選美冠軍麥嘉欣合唱演繹《共同渡過》，Yumi話事前無機會綵排，但感覺到大家嘅專業，而今次演出亦令佢大開眼界同乘機偷師。
Yumi早前作客《聲生不息·大灣區季》
首次參與內地大型節目演出，Yumi除咗獲益良多，仲有機會跟偶像容祖兒見面，兩人仲自拍留念，Yumi話自己唔敢太主動同祖兒傾偈，因為仍然係新人階段。
Yumi話事前有向林智樂取經。
早前林智樂經已率先作客節目，Yumi事前都有向老友取經，佢話Felix好似比佢更緊張，畀咗一大堆留言去提醒要注意事項，佢大讚Felix非常貼心。