古巨基辦結婚10周年派對廣邀圈中好友 曾坦言晚婚晚生盼望兒子18歲結婚生仔

古巨基（基仔）喺2014年與另一半陳韻晴（Lorraine）喺美國拉斯維加斯註冊結婚，結束20年愛情長跑，翌年喺香港補辦婚禮，2020年榮升人父，Lorraine以52歲高齡誕下兒子Kuson，基仔做爸爸後更閉關近2年照顧兒子，基仔早前與Lorraine結婚10周年紀念，佢曾分享阿仔Kuson嘅一段搞笑對話，原來阿仔要求爸媽再結婚，阿仔好想出席佢哋嘅Wedding，見阿仔咁純真可愛，逗得基仔相當開心，對阿仔當然有求必應！

基仔於2020年榮升人父，Lorraine以52歲高齡誕下兒子Kuson，基仔做爸爸後便閉關近2年照顧兒子。
基仔與Lorraine早前舉行結婚10周年派對，廣邀圈中好友出席，包括古天樂、蔡一智、傅明憲、吳家樂、容祖兒、蔡卓妍、方力申、唐詩穎、關智斌、周慧敏、關心妍及森美等，噚晚基仔先喺社交平台分享當晚嘅開心時刻，佢回想「2024年的回顧，這個晚上一定會記一世」，基仔感謝各位長輩同識於微時嘅好友，見證住佢同Lorraine一路以嚟嘅愛情路同10周年結婚紀念。 

基仔與Lorraine早前舉行結婚10周年派對，廣邀圈中好友出席。基仔感謝各位長輩同識於微時嘅好友，見證住佢同Lorraine一路以嚟嘅愛情路。基仔因阿仔Kuson「好想去爸爸媽媽個婚禮」呢個可愛要求，決定辦一次似Wedding嘅10周年聚餐。
基仔坦言兩公婆過去幾年比較低調簡樸咁過每個周年紀念， 即使今年係10周年， 本身只係想三口子小慶祝，因阿仔Kuson「好想去爸爸媽媽個婚禮」呢個可愛要求，基仔決定辦一次似Wedding嘅10周年聚餐，讓一家三口充滿愛嘅晚上。

基仔當年結婚做咗一首《我與你》去記錄人生重要時刻，基仔10年後同太太及阿仔一齊去錄音室唱首歌。
基仔當年結婚做咗一首《我與你》去記錄人生重要時刻，基仔10年後同太太及阿仔一齊去錄音室唱首歌。阿仔Kuson為此事相當興奮，有一首屬於佢哋仨嘅歌。而基仔日前受訪曾坦言晚婚晚生，盼望阿仔18歲結婚生仔：「他幫我追回我的時間，他20歲我已經70歲，早婚早生沒關係，只要負責任。」

基仔日前受訪曾坦言晚婚晚生，盼望阿仔18歲結婚生仔。

古巨基曾分享阿仔Kuson親手為二人畫結婚周年畫。