黃凱芹X杜自持開騷獲周慧敏撐場 獻唱多首經典金曲勾昔日情懷

黃凱芹 同音樂人 杜自持 合作開騷，獲好友劉德華 、周慧敏 等送上花籃支持。Chris同Andrew早有默契以黑、紅配嘅裝扮登場，襯出唔同嘅風格，加上兩人連串歌聲演出令觀眾聽得非常投入。

杜自持同黃凱芹再次合作開騷，大唱唔少經典作品
Andrew喺台上展現出佢拿手嘅鋼琴，而Chris則先後獻唱多首金曲，特別唱到佢喺1987年推出首張大碟中嘅金曲《傷感的戀人》時，全場都好有Feel尖叫。之後Chris亦唱出張國榮嘅《有誰共鳴》、Raidas嘅《傾心》、巫啟賢嘅《心酸的情歌》等，勾起大眾昔日情懷。
Chris好友周慧敏呢日都有到場支持

Chris除咗感性分享入行40年嘅經歷之外，更大談同Andrew嘅往昔，並感激相識多年嘅舊拍檔兼好友Vivian親臨支持，Chris更跳唱當年對方嘅名曲《假裝》，當望到台下見到Vivian時，即隔空多謝，並透露自己因為第一場演出，加上知道Vivian在場，所以唱歌時特別緊張。