劉德華第三度紅館與觀眾跨年 台上窩心問候頭排胡楓攰不攰

劉德華 20場香港站跨年騷，嚟到除夕夜踏入第12場，華仔喺台上high爆同全場觀眾一齊倒數迎接2025年，佢仲將歌曲《情人Happy Birthday》改為《情人Happy New Year》版本。

劉德華再一次於紅館同全場觀眾跨年
今次經已係華仔第三度喺紅館同觀眾倒數。而連日嚟有唔少圈中好友捧場，包括汪明荃、鄭秀文、甘比、林文龍一家三口、蔡少芬夫婦、周柏豪、吳卓羲等，而身為華仔鐵粉嘅內地影星賈玲亦專程來港捧場。
賈玲亦特別來港捧偶像場

一向尊重前輩嘅華仔，見到修哥胡楓同羅蘭坐觀眾席頭排，喺表演嘅中途亦親切問修哥攰唔攰，修哥話「你唔攰我都唔攰呀：」華仔聽到就同修哥講睇到攰就可以隨時走，最後修哥仲一直睇到完場先離開。

修哥同羅蘭姐呢對孖寶一齊入場