吳卓羲自爆新花名「吳好ong」 時間緊迫搵唔到女伴陪倒數

吳卓羲 難得返香港出席活動，仲大開金口一展歌喉，其實阿Ron喺內地同東南亞經常登台唱歌，不過香港就比較少見，佢呢日連唱兩首歌，包括劇集歌《紅蝴蝶》同自己嘅首本名曲《別怪她》，唔怪得連佢家姐都話要捧場喇。

吳卓羲難得返港出席活動，仲現場獻唱《別怪她》
阿Ron話家姐特登問咗活動嘅時間地點，不過佢暫時未見到家姐現身，又話家姐為人低調，就算有到現場，都淨係會匿喺角落頭。

仲話連家姐都有到場支持阿Ron早前去佛山出席活動，因為粉絲太熱情，爭啲發生意外，不過最意想不到嘅係，活動過後阿Ron都得到一個新嘅花名，事關活動當日粉絲不停向前迫，搞到阿Ron要頻頻向後退，佢唯有叫大家唔好㧬，講吓講吓「吳好ong」就變咗佢嘅新花名啦！
阿Ron呢日又公開自己嘅新花名

自稱單身嘅阿Ron話自己啱啱過去嘅聖誕節，約咗朋友上屋企同屋企人一齊BBQ慶祝，主持人問阿Ron嚟緊嘅31號，會唔會考慮搵女伴一齊倒數，佢就話搞笑話得返幾日，時間緊迫，應該搵唔切，仲叫大家唔好成日問佢拍拖嘅嘢，會驚會悶親觀眾。

呢日仲話佳節冇女朋友陪，但係就叫大家唔好再問戀情，怕悶親觀眾喎