劉德華紅館熱唱陪粉絲過聖誕 陶大宇台下忘情合唱倒轉地球

劉德華20場嘅紅館演唱會喺聖誕期間繼續上演，可以同華仔一齊過聖誕，相信亦係唔少歌迷嘅願望，既然講到明係聖誕，當然要唱番首聖誕歌應一應節啦！
劉德華喺紅館同大家過聖誕。
呂良偉同太太楊小娟。

聖誕節呢晚，有唔少圈中朋友前來捧場，包括姜皓文、呂良偉同太太楊小娟、張頴康同太太麥雅緻、譚玉瑛、范振鋒同太太李思欣、陶大宇、梁家仁、胡子彤、梁競徽，仲有專程由台灣來捧場嘅謝金燕等。各個都睇得好投入，仲興奮到企晒起身。當華仔唱到《倒轉地球》時，台下嘅陶大宇仲同台上嘅華仔一齊合唱，氣氛非常熱烈。
好耐冇見嘅梁家仁，都有入場支持。當華仔唱到《倒轉地球》時，台下嘅陶大宇興奮地一齊合唱。
之前連續52場巡唱現身嘅大頭仔Andy，今次再被華仔委以重任，成為演唱會親善大使，代表華仔喺紅館場外同粉絲近距離互動打卡，場外場外都一樣好有氣氛。
謝金燕陶大宇梁家仁