魏浚笙清唱黃德斌名曲邀夾歌 Locker回應舊愛豪門夢碎未敢八卦打擾

劉德華領銜主演嘅新戲票房大賣，戲中一班演員呢晚拉大隊現身紅館一齊睇華仔演唱會，華仔公開多謝團隊，並唱出經典歌《暗裡著迷》、《一起走過的日子》及《笨小孩》等，眾人聽得如癡如醉。

《焚城》一班演員入場支持華仔正舉行嘅紅館演唱會
華仔雖然忙住開騷，未能同一班兄弟姐妹一齊謝票，一班後輩並冇揸流灘，連日四出宣傳，日前遊船河賀聖誕，魏浚笙即場清唱黃德斌名曲《年少無知》，呢首歌係TVB劇集《天與地》片尾曲，當年好受歡迎，魏浚笙仲趁機邀黃德斌夾歌，黃德斌就話唱歌要跟魏浚笙學吓。
日前各位演員就遊船河謝票

黃德斌嚟緊聖誕仍會現身謝票活動，笑指騷肌要問魏浚笙借肌肉，而Locker舊愛吳家忻日前宣布與薛芷倫長子馬桂烽一年情玩完，要過一個Lonely Christmas，Locker表示同舊愛好耐冇聯絡，亦未敢八卦打擾，覺得對方應該OK，嚟緊舊愛有新作品出街。

Locker指同舊愛吳嘉忻已久未聯絡