劉德華紅館演唱會再遇驚險 疑不慎仆倒險生意外 嚇至歌迷瘋狂尖叫

劉德華一連14場紅館演唱會正進行如火如荼，連日多位圈中人捧場，噚日華仔唱到大熱作品《練習》嗰陣，突然不慎喺台上跌倒，見佢打算跑向台邊，唔小心仆倒，雙膝跪向前，頭部離開台邊位置，嚇到一眾歌迷驚慌尖叫。

華仔噚日唱到大熱作品《練習》嗰陣，突然不慎喺台上跌倒。
華仔噚日唱《練習》相當投入，更喺三米高嘅升降台突然跑向旁邊最前方，突然雙腳倒地，雙膝衝向前咁跌倒，佢頭部離開台邊位置，幸好雙手捉實台邊，歌迷相當震驚，不斷大嗌「華仔」；一向敬業嘅華仔經過6秒整頓心情後，繼續喺台側完成演出。

劉德華一連14場紅館演唱會正進行如火如荼，連日多位圈中人捧場。
華仔舉行世界巡迴演唱會時，頻頻發生意外，華仔喺深圳演唱會嗰場，因升降台問題而踩空，成個人差啲跌咗落台，好在華仔身手敏捷，及時扶住台邊，華仔只係手部擦傷，而華仔試過喺上海站、廣州站及台北站因舞台設計及機關問題亦曾發生意外，包括差啲跌落台底、險飛出高台等險象橫生，又試過唔小心鬆咪，最後有驚無險。
華仔舉行世界巡迴演唱會時，頻頻發生意外，試過因升降台問題而踩空，又試過成個人差啲跌咗落台。

華仔喺台上一向傾力演出，務求為觀眾帶嚟驚喜。

華仔又試過唔小心鬆咪，最後有驚無險。