Sammi偕甘比入場支持好拍檔華仔 兩人多次演情侶CP形象深入民心

劉德華今晚會於紅館與歌迷一齊迎接2025年

正於紅館演出嘅 劉德華 今晚除夕就會舉行第12場跨年演出，日前華仔演出時又再一次險生意外，而同華仔多次拍檔演出電影，被譽為最佳螢幕情侶嘅 鄭秀文 ，29號晚就同好友甘比 陳凱韻 一齊入場支持老友，仲出Post留言叫華仔落力演出之餘都要保重身體。

Sammi同甘比入場欣賞華仔演出
Sammi同甘比仲跟隨音樂起晒身揮舞打氣棒，非常投入欣賞演出。同華仔多次喺電影上合作嘅Sammi，當年嘅《孤男寡女》、《瘦身男女》、《龍鳳鬥》加上較近年嘅《盲探》，由輕浪漫到雌雄大盜唔同題材，兩人嘅CP化學作用都深入觀眾心中。
當年嘅多部電影合作，令觀眾對佢哋呢對影壇CP極為深刻。 《孤男寡女》劇照

由搞笑辦公室發展到外地扶持 《瘦身男女》劇照

減完肥就變雌雄大盜 《龍鳳鬥》劇照

華仔後來仲盲埋冇眼睇 《盲探》劇照

入場欣賞嘅仲包括近年同華仔多次合作《拆彈專家》、《掃毒2》等唔同電影嘅 邱禮濤 、電影出品人 林小明 、魯文傑、黃淑蔓、泰迪羅賓等嘉賓。

同樣與華仔多次合作嘅邱禮濤導演

近年《拆彈專家》就一齊合作