關智斌獲公司上下賀44歲生日 同Mani分享老闆送贈生日利是

被老闆楊受成封為樓王嘅Kenny關智斌，多年嚟同公司上下關係非常好，12月30號係嘅44歲生日，經理人霍汶希率領 衛詩雅、許靖韻、何珮瑜 等一眾藝人以及同事為Kenny慶生。Mani事前安排多位靚女藝人分工合作拎香檳同推蛋糕等，壽星仔Kenny見到大家嘅心意相當驚喜，眾靚女們仲先後吻賀。
英皇上上下下一齊為關智斌慶祝生日。
子華神都有出席！Kenny將生日願望都祝福大家。
一向感性嘅佢多謝大家嘅祝福同時，向Mani獻吻同時，仲講出心底話指當初Mani簽佢嘅時候，大家都唔睇好，覺得自己會失禮Mani，但感激Mani一直不離不棄，佢希望自己有一日能夠令Mani覺得當日簽佢嘅決定係啱。
眾人祝賀Kenny眾美女為Kenny邀上香吻。

眾美女為Kenny邀上香吻。對Kenny愛護有加嘅Mani喺派對上非常雀躍，手執紅酒杯嘅佢更係飲到面紅紅，佢仲鬼馬地走到Kenny身旁，叫Kenny拆開老闆楊受成包嘅生日利是，Kenny就喺利是封中抽出一疊厚厚嘅一千元港幣，佢靜靜將千元金鈔塞畀Mani，氹得Mani非常興奮。

Mani同Kenny即場拆楊受成封嘅生日利是。目測有一萬蚊！Kenny仲分咗張畀Mani！