蔣祖曼繼子18歲生日 視如己出生活片勁洋蔥

1月3日係蔣祖曼Joman同電影人陳卓麒嘅結婚紀念日，亦係佢陳滌（Day）嘅生日。Joman 喺4號就以一條短片祝賀Day 18歲生日快樂，而呢條片並唔係普通咁唱下生日歌講下祝賀說話，條片係以Joman由細照顧Day嘅相片結集而成，可以話係滿載溫馨呀！
Day同Joman。Joman由Day兩歲半就開始照顧對方。

Joman幫Day剪腳趾甲。Joman對Day照顧有加。
Joman由Day兩歲半開始就照顧佢，一直視對方如己出，只要唔使工作嘅時間都會陪住對方，眨吓眼Day已經18歲成為男人，難怪Joman亦甚為感觸，佢喺帖文中寫道：「生日快樂呀Day哥！🥳咁就18歲，新嘅一頁開始啦，陪你打咗咁耐怪獸，之後就靠你自己繼續闖關啦🍀祝以後繼續陪我打機煲劇買公仔俾我玩唔好嫌我低能煩無聊，無論將來你成為一位點嘅成年人，你喺我心目中都係最好❤️加油💪🏻」
Joman 視 Day如己出。Joman當年只得廿幾歲。
Joman嘅帖文勁感動。

而喺文尾Joman仲加咗句「PS：你真係好難湊，湊死我」可以話係超級洋蔥，就連Joman嘅「B餐老公」唐寧睇完都忍唔住留言：「喂呀～我都感觸埋一份呀！😭望住你啲相，又令我諗返起我第一次見佢，嗰陣時嗰一粒人仔變咗👦🏻一個男人啦～Day哥，生日快樂呀！Leila好開心可以參與你嘅童年，如果你唔嫌Leila跑得慢，我下次返嚟，我哋再跑過！Love you！😘」
兩母子好Friend。唐寧係Joman嘅 B餐老公。
唐寧忍唔住留言。