蔣祖曼拍完《武林》後消失個半月陪好姊妹唐寧玩餐飽曬珍貴友情

蔣祖曼近年加入TVB拍劇成功入屋，獲不少演出機會，早前拍完TVB劇集《武林》，消失咗一個半月，原來佢同唐寧約埋開心相聚！

蔣祖曼早前拍完TVB劇集《武林》，消失咗一個半月，原來佢同唐寧約埋開心相聚！
噚日蔣祖曼喺社交平台貼出多張二人相聚嘅生活照，並寫道：「拍完《武林》後消失了一個半月，跟老公B快樂的40多天。太多相了，發一點記錄一下。遲點補片❤️ ，終於又可以用呢個tag #我的b餐老公。」

噚日蔣祖曼喺社交平台貼出多張二人相聚嘅生活照。
不少網民大讚二人係難得嘅友情，又指呢個係蔣祖曼今年最大嘅禮物。相中見二人素顏去玩，又開心撐枱腳，全程玩得開心，仲好有少女味。

網民大讚二人係難得嘅友情，又指呢個係蔣祖曼今年最大嘅禮物。
唐寧喺2022年移居紐西蘭，轉型做KOL不時喺社交平台分享生活點滴，兼獨力照顧大仔俊俊同細女嗡嗡，唐寧一向同蔣祖曼勁好姊妹，二人當年因拍電影《大藍湖》而成為好友，更以「老婆曼」同「老公B」稱呼對方，今次二人開心相聚，唐寧都好期待等去紐西蘭，到時帶蔣祖曼去玩Bungee Jumping（笨豬跳）。