夫妻的博弈X正義女神Themis聯歡過聖誕 佘詩曼孖高海寧合體掀新聞女王回憶

近日TVB與內地優酷合拍兩套新劇均由鍾澍佳擔任總監製，由佘詩曼、譚耀文、陳煒、蔣祖曼、馬貫東仲有新一代的小生小花周嘉洛同戴祖儀等演出嘅《正義女神Themis》，以及由高海寧、馬國明、張頴康、郭柏妍、黃智賢、游嘉欣、楊卓娜等演出嘅《夫妻的博弈》，兩套劇集喺內地密密開工。

總監製鍾澍佳特意同劇組安排時間，等兩套劇嘅演員一齊聯歡過佳節。
雖然劇組一直忙於拍攝，但喺聖誕佳節難得有個輕鬆小休閒，總監製鍾澍佳特意同劇組安排時間，等兩套劇嘅演員一齊聯歡過佳節，仲齊齊拍片祝福大家聖誕快樂。視后阿佘喺新劇中化身做「正義女神」，首度挑戰律政題材，見佢同劇組打成一片，相當愉快，阿佘更同一齊主演《新聞女王》嘅高Ling相遇，畫面勾起觀眾回憶。

視后阿佘喺新劇中化身做「正義女神」，首度挑戰律政題材，見佢同劇組打成一片。
有眼利網民好奇點解唔見馬國明，而早前馬國明曾公開透露聖誕節要喺拍劇度過，老婆湯洛雯會到內地探班共度節日，兩夫妻好大可能撇甩劇組，珍惜二人世界嘅時間。

阿佘同一齊主演《新聞女王》嘅高Ling相遇，畫面勾起觀眾回憶。
其中見到楊卓娜同阿佘嚟個合照，寫上Happy Boxing Day，超開心嘅聖誕聚餐，多謝劇組安排，「夫妻的博弈」&「正義女神」齊齊過聖誕！最開心係又見到永遠女神阿佘，年年都咁靚。而周嘉洛有出Po，展示一段佢同游嘉欣、蔣祖曼同馬貫東一齊跳舞嘅短片，幾位勁Chok玩得好投入。

「夫妻的博弈」&「正義女神」齊齊過聖誕！楊卓娜最開心係又見到永遠女神阿佘，年年都咁靚。