阿Sa相約大班好友英國過聖誕孖Joey吳君如大玩變臉濾鏡

Twins啱啱完咗喺倫敦演唱會，順便感受吓英倫嘅聖誕氣氛，蔡卓妍（阿Sa）喺IG post咗一系列聖誕靚相，除咗同容祖兒行街shopping，仲同大班香港朋友聚會，包括定居英國嘅黃偉文、阿Sa嘅老死馬天佑，仲有吳千語施伯雄等，大家喺巨型聖誕樹前影相，非常有節日氣氛，阿Sa更寫到「我愛嘅人同愛我嘅人都喺身邊」，睇得出阿Sa就算冇拖拍，聖誕一樣充滿愛，而新晉豪門闊太吳千語早前盛傳婚後一年成功造人，疑似肚凸凸，但係呢日見佢影合照冇刻意遮肚，亦未見凸肚。

容祖兒同蔡卓妍約黃偉文一齊過聖誕。

阿Sa媽亦有隨行到英國，兩母女似足餅印！
阿Sa喺Boxing Day仲post出同容祖兒（Joey）及吳君如嘅合照，三人仲懶理形象大玩盞鬼濾鏡，將自己變成眼凸凸搞笑樣。Joey喺post寫到「香港見唔到呢度見到晒」，仲話自己「開心到喊」。唔少網民紛紛留言祝佢哋聖誕快樂，仲懷疑Joey係咪飲大咗，成塊面紅晒！

容祖兒同蔡卓妍努力掃名牌，辛苦工作後當然要獎勵自己。阿Sa同大班香港朋友聚會。新晉豪門闊太吳千語早前盛傳婚後一年終成功造人，疑似肚凸凸，但係呢日見佢影合照冇刻意遮肚，亦未見凸肚。
而君如18歲寶貝女陳是知正喺英國讀大學，兩母女感情好好，今年暑假是知返港都有被捕獲同媽咪行街，而君如今次英國行，估計喺特登飛去陪囡囡過聖誕。