蔡卓妍賀歲片盡現賭徒本色 與張繼聰發放連場笑彈

蔡卓妍、張繼聰、胡楓、朱栢康、洪嘉豪同楊偲泳參演嘅賀歲電影預告片曝光，戲中演病態賭徒嘅阿Sa，喺預告片一開始時，經已盡現賭徒本色，聽到有人叫打麻雀，即興奮舉手話要打。

張繼聰同阿Sa合作嘅賀歲片公開預告片

戲中阿Sa扮演一名病態賭徒

不過阿聰就非常討厭人邊人賭博
阿Sa所演嘅角色精通各種賭術，從啤牌到牌九樣樣皆精，佢仲自誇掌握「贏錢必勝法」。戲中飾演佢老公嘅張繼聰，本身係「涼果大王」第四代傳人，力保祖業嘅佢非常討厭賭博，令到阿Sa要極力隱瞞賭徒身份，並下定決心為老公戒賭。戲中阿Sa同阿聰嘅夫妻互動都爆出連場笑料，喺預告片就見到阿Sa跟阿聰講一句「搭膊頭唔吉利」，露出「賭仔」性格。今次朱栢康喺戲中演富二代，預告片就見佢以韓式Oppa造型登場，故事仲講述佢策劃一場驚天陰謀，誓要向阿聰復仇！

朱栢康破完地獄之後，今次扮演一名富二代

洪嘉豪亦有參與新片演出

胡楓同楊偲詠將喺新片一齊賀歲