胡楓樂收創意百出拜年祝福 阿Sa張繼聰慰勞宴抽現金答謝劇組

由蔡卓妍、張繼聰主演，羅耀輝執導嘅賀歲片《祥賭必贏》即將喺2025蛇年上映，日前劇組舉行「祥年好運慶團年」慰勞宴，宴請一眾台前幕後聚餐兼提早過冬團年。出席演員包括阿Sa、阿聰、胡楓、朱栢康、麥子樂及林耀聲等，場面熱鬧。 

賀歲片《祥賭必贏》即將喺2025蛇年上映，日前劇組舉行「祥年好運慶團年」慰勞宴。

開席前，阿聰破格擔任主持，召集一眾演員提早向修哥拜年。朱康率先幽默祝賀修哥「蛇形刁手」；阿聰就祝修哥「乘蛇之珠」，喻意對方繼續擁有超凡才智；阿Sa用上應景嘅「蛇序呈祥」，祝修哥蛇年一切如意。大家嘅祝福有創意之餘亦非常有心，令在場每一位都笑到停唔到口。 

阿聰破格擔任主持，召集一眾演員提早向修哥拜年。

為咗令大家「食得開心，玩得開心」，阿Sa同阿聰仲特別準備咗現金抽獎答謝劇組，阿聰話好高興同大家再次聚首：「今日好開心，拍完都差唔多一個月，食個飯聚舊慰勞吓大家，真係多謝所有幕後台前嘅努力！」

阿Sa同阿聰仲特別準備咗現金抽獎答謝劇組。

阿聰話好高興同大家再次聚首，拍完都差唔多一個月，食個飯聚舊慰勞吓大家。