古淖文將開個唱健身請教Aska Windy狂食長肉變肥被Chantel激喊

臨近年尾大家都充滿節日心情，呢日一個商場活動氣氛就夠晒熱烈喇，因為 古淖文 姚焯菲 張馳豪 同 詹天文 齊齊現身，仲輪流為大家獻唱演出。而即將舉行個唱嘅German，近日練歌之餘亦狂操體能，呢日遇到Aska就自然可以交流吓喇。

Aska、Windy、Chantel同German一齊參與一個活動
German話操肌之餘又要戒口非常辛苦，呢日仲話可以約埋Aska一齊開騷，仲連同樣喜歡唱歌嘅主播 潘盈慧 都受到邀請，仲話要拉埋 許文軒 齊齊玩咁話。
佢哋嘅大班歌迷一早到場支持，非常熱鬧

Chantel同Windy兩位仲係學生，雖然放假不過就忙到不得了，可幸嘅係佢哋都有把握節日嘆吓美食，Windy仲因為Chantel對佢「睇落肥咗」呢個評語點頭稱事而詐喊，嚇到Chantel即時安慰佢。
被Windy整蠱嚇到心都離一離嘅Chantel，指留港期間會投入更多工作

而聲先聲明會留港一段長時間嘅Chantel，除咗早前提過將加入《愛．回家》，佢仲話會花更多時間於新歌上，希望有更好成績呀。