古淖文與肥媽熱舞度除夕 2025年頭炮將推出新歌開個唱

古淖文German日前與林子祥、葉蒨文、肥媽、陳慧敏等於澳門出席《2024澳門除夕倒數演唱會》。倒數騷上German同肥媽熱獻唱異國風味十足嘅《Hot Hot Hot》，肥媽為咗方便跳舞，仲將外套嘅鈕扣解開，同German一齊熱舞，炒熱全場氣氛。
古淖文
當大家倒數迎接2025年時，眾歌手則一同合唱《友誼萬歲》嘅英文版《Auld Lang Syne》，並祝大家新一年新年快樂、身體健康。
German同肥媽一齊勁歌熱舞。German同肥媽一齊勁歌熱舞。
活動過後German於社交平台以一張鞠躬照回顧2024，並於帖文中寫道：「致 2024，謝謝妳給我的照顧與眷顧。讓我今年過得開心、快樂、健康及平安。謝謝妳給我的一切。German」然後又以一張自己身穿紅色西裝、出後台拍攝嘅照片嚟迎接2025年：「Happy New Year 2025。大家開心快樂健康平安 ❤️」而為好好迎接2025年，German將於1月推出新歌及舉行香港站演唱會。
當晚倒數活動仲有林子祥、葉蒨文、陳慧敏等歌手出席。