周杰倫完成台北大巨蛋騷飛北海道度假 被網民野生補獲滑雪英姿

今年因日本降雪量比去年激增，雪季比去年更早開始，唔少雪友經已開滑，其中忙完台北大巨蛋演唱會嘅周杰倫亦同老婆昆凌及好友飛咗去北海道滑雪，周杰倫喺社交平台貼相自爆行跡。

周杰倫同老婆昆凌及好友飛咗去北海道滑雪。
一身名牌雪衣嘅周杰倫並非齋打卡虛有其表，有網民野生捕獲到周杰倫滑雪嘅英姿，喺著名滑雪點二世古嘅羊蹄山偶遇到滑雪下坡嘅周杰倫，見到周杰倫用熟練嘅S Turn下坡，動作完無拖泥帶水，雖然速度未算好快，但明顯佢嘅滑雪技術有咁上下根底，網民大讚周杰倫連滑雪呢項極限運動都揮灑自如。

一身名牌雪衣嘅周杰倫並非齋打卡虛有其表，有網民野生捕獲到周杰倫滑雪嘅英姿。
周杰倫香港站演唱會喺明年六月於啟德全新嘅場館舉行，早前經已接受優先訂票，各位樂迷心急撲飛之際誤墮騙局，最近警方接獲多宗有關相關嘅購票騙案，損失金額達18萬港元。