胡定欣迎43歲生日被豹哥催搵男友 豹嫂爆袁偉豪張寶兒積極造人

胡定欣（Nancy）下周一（9日）迎43歲生日，由於胡定欣要離港工作，「將軍澳福利會」好友豹哥單立文、豹嫂胡蓓蔚、袁偉豪、張寶兒、陳山聰夫婦提早為胡定欣慶祝生日。

胡定欣下周一迎43歲生日，一眾好友提早為佢慶祝生日。

豹嫂早前喺IG上載聚餐合照，見佢哋為壽星女準備咗一個寫上福字嘅立體造型蛋糕，豹嫂指定欣正日生日要離港工作，所以村民決定提早食生日飯，祝「小霸王」定欣生日快樂，希望定欣身體健康﹑花開富貴；豹哥留言：「大個女啦，自己識做啦…… 唔使我畫公仔畫到出腸啦！」豹哥公開催定欣快啲搵男友拍拖。

豹哥公開催定欣快啲搵男友拍拖。
張寶兒亦祝定欣生日快樂、幸福滿瀉，佢笑指多謝村民請食找數飯，原來「將軍澳福利會」好友早前全部估張寶兒生女，後嚟張寶兒生咗阿仔袁咕碌，多謝袁咕碌令佢哋食「找數飯」，今次亦難得齊人，豹嫂即回覆：「下次再估！」似乎暗指張寶兒同袁偉豪積極再造人！

張寶兒亦祝定欣生日快樂、幸福滿瀉，佢笑指多謝村民請食找數飯。豹嫂指「下次再估」，似乎暗指張寶兒同袁偉豪積極再造人！