《愛‧回家》龔燁獲粉絲辦生日會 張景淳首與各地粉絲迎44歲

TVB處境劇《愛．回家之開心速遞》嘅「龔水CP」張景淳同呂慧儀喺劇中飾演情侶有六年多，一直有穩定嘅粉絲群，每逢兩人生日粉絲會以特別方式應援，嚟緊1月23號係張景淳嘅44歲生日，佢嘅後援會準備喺18號為佢搞生日派對。

1月23號係張景淳嘅44歲生日，佢嘅後援會準備喺18號為佢搞生日派對。
入行20多年嘅景淳喺2023年先首次搞粉絲聚會，呢次亦係景淳首度同粉絲開派對慶祝生日，佢亦有喺自己社交平台嘅限時動態上貼相呼籲粉絲參加，派對上有嘢食，玩遊戲、簽名合照環節，仲有專屬禮品包，同時歡迎內地同海外粉絲參加。未知男團出身嘅景淳會否獻唱騷靚聲呢？

入行20多年嘅景淳喺2023年先首次搞粉絲聚會，呢次亦係景淳首度同粉絲開派對慶祝生日。
早前景淳貼文慶祝「龔水CP」結婚三周年，相信粉絲們最期待係傳緋聞傳咗多年嘅「龔水CP」有冇機會正式官宣「在一起」。上次搞粉絲聚會一位75歲嘅銀髮族婆婆粉絲專程到場支持，捉實景淳嘅手叮囑佢注意休息，令景淳大為感動。

未知男團出身嘅景淳會否獻唱騷靚聲呢？

早前景淳貼文慶祝「龔水CP」結婚三周年，相信粉絲們最期待係傳緋聞傳咗多年嘅「龔水CP」有冇機會正式官宣「在一起」。

「龔水CP」張景淳同呂慧儀喺劇中飾演情侶有六年多，一直有穩定嘅粉絲群。