鍾鎮濤偕鍾懿現身上海公開活動 爆大女嘉晴情傾李現

鍾鎮濤19歲嘅二女鍾懿，自細就遺傳咗爸爸嘅音樂細胞，經常同爸爸上台唱歌，盡顯表演慾，見慣大場面嘅鍾懿，早前仲正式出道，獲B哥哥嘅一班朋友星光加持。
鍾懿日前同鍾鎮濤到上海出席活動。鍾懿、鍾鎮濤、林俊傑。
而日前鍾懿更同老豆現身上海首次出席公開活動，打扮得非常sexy嘅鍾懿，同爸爸以及多位紅星一齊坐，好似有林俊傑、王嘉爾、李現等等，活動上佢哋亦都合照留念，大家都似乎玩得好開心，事後鍾懿亦喺網上發文寫道：「這是我成年後第一次在公開活動亮相，在上海活動中看見久違的哥哥們，玩得不亦樂乎。」

鍾嘉晴將自己P咗喺李現懷中。
B哥哥更大爆大女鍾嘉晴係李現嘅粉絲：「大女兒嘉晴的wallpaper偶像李現帥氣出現」，嘉晴雖然同偶像緣慳一面，但係佢都好搞笑咁，將B哥哥同李現嘅合照旁，P咗自己嘅樣，仲話：「我盡力了哈哈哈(直接把自己放進李現哥哥的懷裡了)」