浪花男子亞洲巡迴展開 來年1月首訪港連唱兩場

日本偶像男團 浪花男子 早前於橫濱ARENA為演唱會揭開序幕，而首次香港演出將繼台北同首爾站後舉行，定於來年1月25同26號於亞洲博覽館連開兩場。

一行七人嘅浪花男子亞洲巡迴演唱會，上星期起於橫濱連開5日，下晝夜晚場次合共8場演出，共吸引12萬觀眾入場。就算係平日下午場次一樣座無虛席，演唱會舞台由「田」字形式呈現，成員前中後周圍走，加上7架花車巡遊，令演出更為豐富。

浪花男子宣佈1月將首次訪港開騷

七子於演唱中後段又拜訪「山頂」觀眾，演出又不乏古靈精怪構思，好似以校園戀愛動畫片尾曲包裝、即影即有即時投射大銀幕又現場派出近5萬張「即影即有」合照、成員藤原丈一郎更扮新娘，集齊大量原素。
 
成員表示今次演唱會非常愉快，從未到訪過香港嘅佢哋，印象只有觀眾席上歌迷手持寫住來自香港嘅大扇子，仲有著名夜景，所以希望大家可以喺YouTube留言介紹好食好玩好去處。

成員都係首次訪港，急向Fans求好食好去處

藤原又提到想喺香港拍攝飲食內容，仲想做突擊街頭訪問。不過當得知坐飛機到港要花4、5小時後嚇了一跳。長尾就表示會利用呢段時間好好了解香港，期待同大家見面，佢又指，出道時喺飛機上舉行嘅記者會講過，會將愛送到世界各地，今次亞巡成真，真正可以將佢哋嘅愛送出，希望日後可以將愛送予更多嘅Nani-Fam。
浪花男子成員包括(後)大橋和也、大西流星、長尾謙杜、西畑大吾、高橋恭平 (前)藤原丈一郎、道枝駿佑