黎諾懿赴越南搵戴祖儀當翻譯員變棟篤笑 「港普之父」介紹當地美食考起字幕組

黎諾懿同戴祖儀呢個搞笑組合同場，每次火花四濺，笑料百出，近日佢哋一齊越南公幹，諾懿出席一個電影電視節揭幕式，佢笑言自己普通話同英語都好「犀利」，所以邀請戴祖儀同行幫忙翻譯。
黎諾懿出席一個電影電視節揭幕式，佢邀請戴祖儀同行幫忙翻譯。

戴祖儀同諾懿喺越南歸仁市打卡行逛，連日拍咗幾條短片，先係諾懿考戴祖儀即時傳譯，諾懿笑指作為一個好嘅翻譯員，就係乜嘢都翻譯，佢都好感謝戴祖儀喺越南全程幫忙翻譯，片中見當戴祖儀話大家識聽廣東話時，諾懿即推開戴祖儀，好友陳敏之留言：「你兩個可以做棟篤笑。」戴祖儀就抱怨：「佢推我嘅方向係一個草叢。」

黎諾懿同戴祖儀呢個搞笑組合同場，每次火花四濺，笑料百出。
跟住戴祖儀亦有考吓「港普之父」之稱嘅諾懿，叫諾懿介紹當地美食，諾懿自信十足，大講港式普通話，令戴祖儀不斷忍笑，連字幕組都被諾懿考起！？

戴祖儀不斷忍笑，連字幕組都被諾懿考起！？戴祖儀亦有考吓「港普之父」之稱嘅諾懿，叫諾懿介紹當地美食。