莊錠欣台灣推首張實體專輯 感激恩師家燕姐相助拍跳舞Challenge

CLC前成員 莊錠欣 近日喺台灣推出首張個人實體專輯，呢日喺發佈會載歌載舞，現場獻唱新歌。早前佢返港時，仲接受當年恩師 薛家燕 訪問，又齊齊拍跳舞Challenge，Elkie仲非常感謝家燕姐二話不說就應承，仲為拍攝狂記舞步。

早前佢因為刪除同 TWICE 台灣成員 周子瑜 嘅合照，而被指姊妹情出現裂縫，不過前排佢又Post出一齊跳舞嘅影片，呢日被傳媒問到係咪已經破冰，Elkie就笑指係網友將佢哋嘅關係腦補冰封，根本就從冇問題發生過。

呢日Elkie又提到下半年非常忙碌，除咗會參加唔同音樂節，又會安排唔同簽唱會舉行，而11月生日見面會，仲已經開始籌備唔同節目同大家一齊慶祝咁話。