1988年入行嘅日本凍齡男神福山雅治,一向都係廣告商嘅最愛,近日佢拍攝新廣告,就透露入行36年以來,娛樂事業係自己嘅幸福嘅泉源,即使而家已經唔需要再拼搏事業,但為咗歌迷依然堅持巡迴演出,佢話次次喺演唱會上見到觀眾嘅笑臉,又見到工作人員全心投入,就會覺得再辛苦都值得。
福山私生活一向低調,2015年迎娶女星吹石一惠後,只公開過誕下一個小朋友,不過早年福山外父喺節目中就唔小心爆料話兩公婆有第二個小朋友。作為爸爸嘅福山特別關心科技點樣影響未來,希望科技可以拓展孩子嘅可能性,同時可以令社會更進步,生活更方便。
登入後即可查看我的收藏
登入後即可查看瀏覽記錄