張敬軒 嘅寓所早前被一名鋼琴老師誤打誤撞下闖入,呢日軒公現身一個手機活動時,就首次回應事件,指估計因為寓所正裝修,加上該名老師亦經常到訪上手住客,所以多重巧合之下就導致呢次事件發生喇。
軒仔又指當時自己外出,不過知道呢位老師非常靚女,但係就對對方將事件上網而略有微言,而事後保安方面亦有加強人手。
近日正為之後演出Keep Fit操練嘅佢,就對自己嘅腳部未夠滿意,仲話正努力消脂。而10月就會再到澳門開全新設定嘅演出,仲會大唱唔少天后嘅歌曲。不過下星期就會首先到美加巡迴4站演出,仲會抽時間於美國當地為新歌錄音呀。
登入後即可查看我的收藏
登入後即可查看瀏覽記錄