李善均電影遺作即將上映 《廝殺》小妹妹變少女出演

由 朱智勳 同早前離世嘅 韓國演員 李善均 等合演嘅電影近日舉行記者會，呢部新作因為籌備多時，早已成為矚目焦點， 加上係李善均嘅遺作，就令外界更為關注。呢日 金秀安 回憶 同 李善均拍攝時嘅點滴都相當感觸，又指對方拍攝時一直用唔少方法令自己投入演出。

由當年《廝殺列車》扮演孔劉嘅囡囡，到呢日新作面對實驗怪物，金秀安已經由小妹妹變成美少女，佢呢日就話希望繼續參演唔同角色，為大家帶來更多唔同作品，仲話片中角色同自己一樣都正面對青春期成長變化，不過就指自己個性內向，仲有「金怕事」嘅花名咁話。