每年書展除咗有藝人出書外,亦有唔少人選擇趁青春推出寫真集。
邱晴將於書展推出首本寫真。
邱晴將於書展推出首本寫真。
曾主持兒童節目《Think Big天地》嘅邱晴Mandy,今年亦推出自己嘅處女寫真,當中更挑戰15個不同造型,無論係青春、純情定係甜美嘅造型都有,而最重要嘅係,寫真入面嘅相,全部由男友視覺出發,務求帶畀大家Mandy最GFable嘅一面。當中會有15個唔同造型。
寫真標榜以男友角度拍攝。
除咗Mandy外,曾自稱要去日本拍AV,但期後被踢爆講大話嘅麥紫莉Chili,今年亦決定搏到盡真空上陣推出終極寫真。
雖然因為講大話而被指係「偽AV女星」,不過今次為咗自己首本寫真,Chili決定去到盡,無論係真空著圍裙、定係喺沙灘擺出極誘人動作,佢都一一照做,Chili話:「都已經27歲,如果唔趁而家come back,再大啲就唔會再有呢份勇氣,我今次嘅心態係搏盡無悔,我唔介意大家定義我行性感,因為路線可以之後再改,好多女藝人以前都行過性感,拍過寫真甚至三級片,而家都一樣係賢妻良母啫!如果有機會,我一定會好好珍惜!如果大家都係唔接受我,我唯有認命退隱做返普通人囉!」麥紫莉今年亦推出終極寫真。
星運平平嘅Chili,表示自己喺呢將年入面讀咗中醫同營養學,佢又坦言因為娛樂圈收入唔穩定,所以曾經有諗過轉行,但當佢真係可以轉行時,又發現自己唔捨得娛樂圈,所以先有今次終極一脫:「反正我嘅身型,即使收收埋埋,大家嘅焦點都會放返喺身上,咁不如我買一鋪大細放手一搏!」Chili真空上陣影寫真。
而為提升熱度,Chili喺書展期間將會舉辦一場「親親忠粉抱抱會」,答謝多年來一直支持自己嘅粉絲,佢又指希望到時fans們可以溫柔啲、慢慢嚟,仲應承到時唔會抱一秒就畀人拉走呀!