15歲學生毀家駒墓碑被判入更生中心 同行拍片者同判勞教

Beyond主音 黃家駒 位於將軍澳墳場嘅墓地5月時被一名自稱社會破壞者嘅15歲學生惡意破壞，淋潑汽水同以工具損毀照片，佢同同行嘅拍攝者之後被拘捕，被控一項刑事毀壞罪。

男生早前提堂時承認為流量而犯案，裁判官16日於觀塘裁判法院判刑，指男生為嘩眾取寵，以侮辱性行為破壞墓地，行為非常可恥。判處男生進入更生中心理，而同行嘅23歲冷氣技工就被判入勞教中心。