陳奕迅搭的士Jam歌舊片內地網瘋傳 韓團WayV成員肖俊翻唱《最佳損友》

唔少香港藝人經常被讚親切冇架子，近日喺內地社交平台就瘋傳一段陳奕迅（Eason）搭的士，被司機邀請唱幾句歌仔嘅車cam片。片中可見Eason一上車已被司機認出，司機毫不掩飾對Eason嘅欣賞兼瘋狂表白，又突然拎出一個自製音樂盒送畀Eason，二人一來一往互動十分鬼馬有趣。
 
Eason一上車已被司機認出，司機毫不掩飾對Eason嘅欣賞兼瘋狂表白。

司機仲同Eason講：「我泊低架車，你唱兩句嚟聽。」隨即拎出一支吉他，Eason呆一呆笑問：「你仲計錶㗎？」司機就話：「停咗佢有咩所謂？我都就嚟交更。」最後Eason喺司機伴奏下唱出《四季》副歌，唱畢仲有啲意猶未盡。
 
唔少內地網民睇完片大讚Eason果然親民，又驚訝點解有司機隨身帶支吉他。

唔少內地網民睇完片大讚Eason果然親民，又驚訝點解有司機隨身帶支吉他。不過有眼利嘅網民就發現片中有幾秒露面嘅司機，其實係前DJ細So（蘇耀宗），而呢段片查實係2016年宣傳電台節目嘅舊片，卻被內地社交平台瘋傳係「真的士司機偶遇歌神」。

韓國人氣組合NCT分隊WayV成員肖俊，近日參與一個翻唱計劃，正式發行首支粵語翻唱歌曲。

 
Eason除咗深得內地網民喜好，佢嘅影響力亦席捲亞洲，韓國人氣組合NCT分隊WayV成員肖俊，近日參與一個翻唱計劃，正式發行首支粵語翻唱歌曲，從預告開始就引發歌迷們嘅熱烈迴響。
肖俊所翻唱嘅就係Eason經典歌曲《最佳損友》，肖俊以獨特聲線同深情演繹，為歌曲注入全新生命力。

而肖俊所翻唱嘅就係Eason經典歌曲《最佳損友》，肖俊以獨特聲線同深情演繹，為歌曲注入全新生命力。特別係副歌以細膩嘅嗓音同飽滿情緒，將歌曲中包含對昔日情誼嘅珍視以及對現實嘅無奈表達得深入人心，令人動容。