拍《無窮之路4》 首訪馬達加斯加 陳貝兒被熱情小朋友「圍攻」

Janis陳貝兒展開第四輯《無窮之路》嘅拍攝經已近個半月啦，攝製隊到達第六個國家非洲嘅馬達加斯加，Janis喺社交平台分享拍攝點滴，原來周遊列國嘅佢都從未去過馬達加斯加，仲留言話:「呢度小朋友教我講咗句 『sala』﹐好似係「hello」咁解 😀」，見到Janis分享嘅短片，佢俾一班熱情嘅非洲小朋友包圍住，不斷同佢講『sala』，仲逼向手機鏡頭，令見慣大場面嘅Janis都有啲招架不住。 
陳貝兒畀熱情嘅小朋友圍攻。

早前Janis經已分享剛到埃及拍攝，面對日日攝氏40幾度嘅拍外境，佢都話經已慢慢習慣，但係因為離開屋企太耐，唔止佢連攝製隊都要去食吓中餐，食返個蕃茄炒蛋配白飯，呢次《無窮之路4》嘅目標要喺兩個月內遊走七個國家拍攝，同大家探索中國點同其他國家分享經驗共建全世界人民嘅「無窮之路」。

蕃茄炒蛋。Janis食得好滋味！

Janis呢次嘅拍攝穿越沙漠、遊走歐洲、出海見證建島神器，又聖城麥加拍攝經歷51度高溫等等，唔少網民都留言話辛苦Janis為大家拍攝精彩嘅節目。仲有大半個月度就會完成拍攝，喺度祝攝製隊旅程一切順順利利。
沿途有唔少靚景。Janis剛到埃及拍攝時，日日要面對攝氏40幾度嘅拍外境。