獨家丨與麥美恩率三位候選佳麗到塞班島 馮盈盈準備好長袖潛水衣上陣

麥美恩、馮盈盈聯同三位《2024香港小姐競選》嘅候選佳麗 7號秦冀雯、8號盧凱怡、12號鍾翠詩，呢日現身機場出發到塞班島拍攝外景。

7號秦冀雯、8號盧凱怡同12號鍾翠詩呢日出發往塞班拍攝外景

話晒當地都係以陽光與海灘命名，相信Mayanne同盈盈點都會準備定泳衣大晒身段啦，點知佢兩個話要反其道而行，Mayanne就話自己冇帶，因為冇帶就可以唔使着，而盈盈就話自己帶咗長䄂嘅潛水衣。

身為師姐嘅Mayanne同FYY亦隨行出發

兩位師姐都經濟過參選階段，講到當中最難捱嘅地方，Mayanne話係冇得瞓呀，佢仲話當時因為要拍十幾日，差唔多十幾日都冇得瞓呀。

三位佳麗都話對呢次旅程非常緊張

而初次出發拍攝嘅三位小師妹，心情就既雀躍又緊張喇，盧凱怡就話自己見到兩位師姐時，因為太緊張唔太敢同佢哋傾偈，佢希望可以盡快同兩位師姐混熟。去到塞班難免要着泳衣，秦冀雯同鍾翠詩都話自己出發前有刻意節食，希望到時上鏡會好睇啲呀。