直播靈接觸｜女鬼彭翔翎現真身鬼火咁靚 王晶任嘉賓分享前生孽緣

梁思浩 同 黃耀英 主持嘅《直播靈接觸》，星期一晚唔止邀請導演 王晶 現身分享靈異故事，由首集已經於現場不斷出現嘅紅衣女幽靈 彭翔翎 亦正式因為「功德圓滿」而「還陽」現身，呢日仲暫代Jojo嘅職責，唔使再左飄右飄做遊魂野鬼喇。

彭翔翎由首集已經開始扮演女鬼集集周圍飄

Janice呢日靚靚現身神彩飛揚，而其實佢每一集都非常在意大家嘅評語，唔止有人以為佢係男士，仲有人覺得佢係個公仔，不過自己扮演時就非常Enjoy，仲話早喺節目播出前試造型已經遇到古怪事，當日整個化妝間突然斷電，令全場人都大嚇一驚呀。

呢日終於唔使遮住靚樣，正式同大家見面喇

佢又得戚咁話自從扮鬼之後，每次整妝準備拍攝前蒙眼布唔除都可以健步如飛，更曾於電視城嚇到其他同事呀！

而晶哥就首次分享自己嘅前生孽緣故事，仲曾為個人放棄好多原則咁話，不過未有明言身份。晶哥仲話過往電視甚少同類節目，而思浩就話晶哥爽快答應任嘉賓，非常感激佢呀。

晶哥呢晚同大家分享自己遭遇嘅靈異故事