草蜢新加坡開騷氣氛狂熱 兩度Encore滿足歌迷

草蜢 三子蔡一傑、蔡一智同蘇志威赴新加坡舉行一連兩場演唱會，吸引歌迷熱烈支持，一連兩晚嘅歡呼尖叫聲不斷，草蜢今次換上全新服裝型爆登場獻唱佢哋嘅名曲。傑仔感受到歌迷非常熱情，演唱會中段啲人已經蜂擁上前唱歌跳舞，好喜歡呢種感覺。阿智就話多年冇見新加坡歌迷，睇見眼前螢光棒揮動就知現場幾咁熱鬧，相信自己晚上會瞓唔著覺，發夢都夢見螢光棒。而阿細就話見到歌迷嘅瘋狂令佢好開心。

草蜢上周末到新加坡開騷，大批歌迷熱情捧場

呢晚傑仔特別唱咗新加坡歌手陳潔儀(Kit)嘅經典情歌《擔心》，而Kit雖然未能親自到場，但都有送花支持。連場歌舞之後話咁快就到演唱會尾聲，完場之後全場歌迷都唔捨得離開，而寵粉嘅草蜢亦兩度Encore，帶比新加坡歌迷一個難忘嘅夜晚。

佢哋仲預告8月佛山演出繼續會有新元素