視帝馬國明現身首屆香港好物節啟動禮 推廣港商進軍內地電商市場

香港貿發局將喺7月24號舉行啓動禮，率先介紹首屆「香港好物節」豐富內容，邀請視帝馬國明（馬明）出席，最近行程忙碌嘅馬明要中港兩邊走忙於拍劇，百忙之中亦特別出席「香港好物節」啟動禮。

馬國明出席「香港好物節」啟動禮，分享直播帶貨經驗。

馬明最喜歡上網買嘢，之前買過香氛蠟燭同手工飾品送畀老婆湯洛雯，去年馬明曾參與TVB與內地電商平台合辦嘅接力直播帶貨，創下銷售好成績。馬明大方分享經驗：「相信好多人對直播帶貨有興趣，但喺內地直播有好多學問，所以如果可以好似有香港好物節咁好嘅平台畀大家體驗吓，學營運網店技巧。」馬明分享自己做做直播，就會用輕鬆幽默風格，同觀眾介紹產品特色，以及分享真實感受，為觀眾帶嚟更輕鬆有趣嘅觀看體驗。

馬國明認為用輕鬆幽默風格，同觀眾介紹產品特色，以及分享真實感受，對觀眾帶嚟更輕鬆有趣嘅觀看體驗係幾好。

為配合2023年《施政報告》有關協助香港中小企拓展內地電商業務嘅政策，政府全力支持下，香港貿易發展局（香港貿發局）將於8月1至31號喺內地主要電子商貿（電商）平台舉辦首屆「香港好物節」，讓港商把握內地電商平台嘅豐富客源同流量，以提升產品及品牌喺內地知名度，同時為咗佢哋提供實戰機會，為日後進入內地電商市場做好準備。