大師兄黃一飛82歲壽宴 細龜黃一山獻唱賀壽

好耐冇見嘅大師兄黃一飛返來啦！細龜黃一山日前喺微博po出飛哥壽宴相，原來喺慶祝飛哥82歲生日。細龜寫到：「昨天是飛哥82歲生日，認識飛哥已經34年，真的相識於微時。祝飛哥生日快樂，身體健康，福如東海 ，壽比南山。」 飛哥著住紅色唐裝，身上戴住佛珠、金錶、翡翠戒指等，睇上去非常貴氣，親友們仲送上金壽桃、金飛馬等賀禮。

細龜黃一山日前喺微博po出飛哥壽宴相，原來喺慶祝飛哥82歲生日。

飛哥睇上去精神奕奕，演唱《男兒當自強》時中氣十足，而細龜亦唱咗首《紅日》為飛哥賀壽，氣氛喜慶又熱鬧。 黃一飛同黃一山曾經都係周星馳電影當中嘅御用綠葉，黃一飛最為人熟悉嘅角色一定係《少林足球》中擁有鐵頭功嘅大師兄，佢仲憑呢個角色奪得香港電影金像獎最佳男配角。佢近年轉戰內地影視圈，接拍作品多達數十套，產量驚人。而佢同細龜過去亦曾經喺《九品芝麻官》、《破壞之王》等周星馳電影當中合作。 
飛哥睇上去精神奕奕，當日演唱《男兒當自強》時中氣十足。細龜認識飛哥已經34年，真的相識於微時。飛哥近年轉戰內地影視圈，接拍作品多達數十套，產量驚人。