2024巴黎奧運星期六揭幕,TVB各大頻道會為觀眾播放逾5000小時精彩賽事,而開幕禮前嘅大型節目,仲有15位應屆香港小姐候選佳麗一齊參與,以遊戲展示佢哋嘅活力。早前去唔同地方拍攝外景嘅佢哋,亦分享旅程嘅小故事。
應屆港姐候選佳麗齊齊參與迎奧運節目
8號盧凱怡 12號鍾翠詩 7號秦冀雯 一齊去完塞班,佢哋就對當地嘅景色非常印象深刻。至於前往內蒙嘅 6號李曼詩 15號俞可程 同 5號莊曉婷 就認為大草原嘅壯麗同自然景物認為最後特別呀。
「中聲」成員呢晚亦係表演嘉賓,其中「中聲2」嘅 陳蒨葶 林思彤 仲有 陳俞霏 ,就希望「五大癲后」可以組合開騷,不過會唔會似男子組一樣變組合定期開Live,女將們就話唔想重複,會用其他方式同大家見面呀。
中聲2女將期望可以有機會盡快開騷
至於《直播靈接觸」當中嘅黑白無常 黃瀅仴 同 湯之欣 暫時唔使再同靈界親密住,因為奧運期間佢哋會化身成為小編,喺Chat Room同大家邊睇唔同比賽邊傾偈討論呀。
「黑白無常」搣甩靈異,為奧運節目擔任小編