台灣女神張鈞甯唔經唔覺經已經41歲,最近佢忙於同導演男友柯汶利合作嘅新戲跑宣傳,但鈞甯就被女網民捕捉佢有髮線後移跡象,青春不再,鈞甯唔止對老去不覺得焦慮,連演戲作品角色上嘅身份跟住年齡變化,佢一樣欣然接受,好似新戲中出演一位14歲女兒嘅媽媽角色,佢都完全唔驚,不過自己本身未做媽媽,最初對投入角色的確有啲困難,但經多方面資料搜集同做功課之下,相信自己最終角色會讓人信服。
張鈞甯知性味道十足,對年月逝去亦毫不介懷
同場仲有內地演員,羅晉之前因為太太唐嫣演出嘅劇集《繁花》大熱,兩夫妻嘅情史再度成為焦點,其實羅晉除咗出名有位花旦太太之外,佢本身係位實力派演員,喺佢主演劇集或電影中,大多以正氣形象出現,仲成日演法官或者警察,有網民就覺得羅晉嘅人生好似喺電視劇裡面考公務員一樣,羅晉話其實演出不同角色就像體驗他人嘅生活一樣,每個職級嘅人都有佢哋辛酸經歷,佢都就此祝福真正考公務員嘅應徵者成功。
羅晉因為形象正氣,令佢演出不時成為公務員專業戶