星光路上足本版｜姚子羚迷F4比賽入行變演員 《反黑》阿嫂演出被讚有力成視后

近日喺《反黑英雄》受盡折磨嘅慘情女子 姚子羚，早前接受 潘盈慧 嘅 《星光路上》專訪，入行前既曾任OL又係啤酒Promoter，仲因為《流星花園》沉迷F4中嘅 言承旭 ，把心一橫下參加電台廣播劇比賽以求近距離見面，結果真係如願以償，初試娛樂圈五光十色嘅滋味。

當年首次演出劇集嘅姚子羚非常可愛

參加當年 TVB8 嘅主持比賽成功入行，之後擔任唔同節目嘅外景主持，訪問唔同明星藝人。後來遇到已故嘅金牌監製 錢國偉 ，相中Elaine拍攝《當四葉草碰上劍尖時》正式轉型成為演員。

同一班年青男、女演員齊齊出發去塞班拍攝，令Elaine如入大觀園，不過隨住拍攝其他正劇，先了解演戲原來毫不簡單。《楝篤神探》嘅演出被灌毒品再沖水，雖然辛苦不過硬頸性格使言，死頂到匿埋沖涼先喊。

參與《楝篤神探》令Elaine明白演戲並非玩玩吓

奸角亦令佢吃盡苦頭，扮無辜又要煽風點火，《酒店風雲》入面搞風搞雨，不過Elaine就覺得好玩又多發揮。不過就一直到《我的如意郎君》嘅演出，大小姐角色先令佢認為自己開竅，學會更深入地投入角色。

喺《酒店風雲》成日無事生非，搞風搞雨

到近日嘅《反黑英雄》，黑幫阿嫂同 張振朗 嘅似有還無感情，加上投入演出仲令唔少觀眾大讚Elaine有機會問鼎今屆視后。被無情勒死仲令佢認為唔完美嘅故事，先係最完美嘅結果。雖然外界呼聲強勁，不過佢就仍抱平常心，有則錦上添花。

《反黑英雄》演出被觀眾力讚，Elaine仲希望可以挑戰視后獎項