下個月將會首踏台北小巨蛋舉行演唱會嘅陳曉東,由7月尾已經飛到當地,啟動咗綵排模式,連日嚟除咗忙籌備個唱之外,亦要上多個節目宣傳,真係忙到無氣抖。陳曉東拍片話自己病咗。
日前東東終於捱唔住病咗啦,佢喺社交平台上載咗,一段自己喺醫院求醫嘅片段,東東話唔知係咪最近正值流行性感冒高峰,加上被冷氣吹親,結果搞到佢都不停流鼻涕,由於演唱會在即,加上呢排經常都要綵排,所以佢都想睇醫生快啲好返,佢仲話一向對自己要求嚴格,唔容許自己有鼻塞,但慶幸目前無發燒,聲音亦都有無事,呢幾日會更加注意情況。東東已經飛到台灣為下月嘅小巨蛋演唱會綵排。
東東又話每次開騷之前,總係會發生啲嘢,有可能太alert,亦有可能行程太tight太頻撲,唔知呢啲係咪就係concert魔咒喎。東東話每次開騷都會有事發生。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)