TVB大寶藏丨譚詠麟為殘奧代表馮英騏圓夢 從對方身上見證永不放棄精神

運動員永不言敗嘅精神，相信大家喺近日嘅巴黎奧運賽事中都感受到，正如校長譚詠麟所言，遇到困難千祈唔好轉牛角尖，就好似參與悉尼2000傷殘人士奧運香港輪椅劍擊代表隊嘅運動鍾定程、馮英騏同許贊紅，佢哋非常懂得愛錫自己，雖然身體有缺憾，仍然熱愛運動，喺運動場上獲得驕人成績。
馮英騏當年同校長一齊拍節目。
校長亦同馮英騏傾吓偈，仲親身落場感受吓輪椅劍擊。雖然面對每日操練八個鐘，但係馮英騏都唔覺得辛苦，佢就講到無努力都唔會有奇跡發生，而當初肯努力亦源自於好勝心。06年退役之後，佢就轉投參加馬拉松輪椅賽，馮英騏解釋人生總要有一項運動項目去支持，對於傷殘人士嚟講，推輪椅係最簡單嘅一個動作。喺公開賽事中，佢奪得不俗成績，馮英騏就話未必係要拎金牌，能夠完成定立目標已經滿足。
馮英騏
喺舊年離世嘅馮英騏，受訪時曾向校長表示有個心願想將自己翻轉咗嘅船修理好出海，校長實現咗佢嘅心願，兼且一齊出海享受海風。