近日傳出 龐景峰 同 前港姐 劉溫馨 拍拖數月,但 郭秀雲 就不滿更出手「棒打鴛鴦」。為免令母親不悅,龐景峰被迫低調云云。對連日來有關乖仔嘅拍拖傳聞,早前身處印尼與一班海洋科學家潛水同科研嘅郭秀雲就正式回應喇。
身處外地進行保育研究嘅郭秀雲,否認插手兒子龐景峰嘅戀情
為母嘅Sharon指: 「真係得啖笑! 」又稱自己一向都唔合回應關於兒子嘅戀情,不過因擔心外界對傳聞當真,以為自己古老石山真係棒打鴛鴦,所以正式回應,佢話: 「我第一次見劉小姐(劉溫馨)就係喺周刊封面,見報道先知與佢哋傳聞拍拖,其實大家未見過面,Andrew亦未帶過對方返屋企,所以又點存在唔滿意呢?況且個仔都已經30歲,只要佢自己揀就得,唔好次次都傳到阿媽黑面反對分手,我唔想呢啲花邊新聞關我事!」
龐景峰同劉溫馨日前睇戲前後腳現身
Sharon仲話身在印尼時,朋友已傳嚟雜誌封面,自己睇完都不禁笑出嚟,連同行外國科學家都以為佢重睇水底拍攝嘅影片而開心。
身為媽咪嘅Sharon就話仔大仔世界,鍾意就得咁話
佢又話今次印尼之行,係佢創立嘅保育組織年度研究行動,每年佢都會同海洋科學家同專家潛入海洋,了解海底生態同生物情況。仲話此行對收獲甚豐,希望將來更多機會同香港市民分享保育嘅重要性。
劉溫馨曾參選2013年香港小姐競選
早前傳出地下情之後兩人漸趨高調