鍾柔美首談升讀大學迎接新生活 與邵美琪關禮傑拍劇受寵若驚

鍾柔美Yumi相隔一年再開fans meeting，同粉絲近距離互動玩遊戲，Yumi即場教粉絲跳新歌《Crack！》嘅舞蹈，見佢細心教導一班fans點樣運用手勢。Yumi好開心獲得一眾跟咗佢好耐嘅粉絲支持，加上佢推出新歌每首均有招牌動作，令觀眾對佢有深刻印象，好似早前推出嘅《Breakin' My Heart》亦有另一種舞姿。

鍾柔美Yumi相隔一年再開fans meeting，同粉絲近距離互動玩遊戲。

暑假過後Yumi就要踏入人生新階段，佢好期待成為大學生嘅生活，更視呢個階段為人生重要時刻，因為上大學後同中小學截然不同，會認識新朋友，喺全新學習環境繼續成長，所以Yumi現時正努力準備迎接新生活。

暑假過後Yumi就要踏入人生新階段，佢好期待成為大學生嘅生活，更視呢個階段為人生重要時刻。

除咗準備迎接大學生活之外，Yumi近日仲忙緊拍攝新劇《臥底嬌娃》(暫名)，啱啱開工，劇中會同邵美琪飾演兩母女，而父親則係關禮傑，面對份量級前輩，Yumi不單獲益良多，更大讚劇中嘅父母對佢好貼心愛錫，往後拍劇嘅日子Yumi會好好學習，作好心理準備接受凌晨深夜嘅通告。

Yumi開心逐一跟在場歌迷影相。